我要做靚太

婚後大家有無同我一樣... 無再小心飲食, 乜熱氣, 高卡路里, 幾超甜的美食都一一放入肚, 開心快活哩?

但係一年後的今日, 我同老公睇返D婚照, 真係肥到變哂型, 在網上見到好多人講 "鄭多蓮", 哩個韓國肥太, 生完兩個BB後肥到乜咁,
而家四十幾歲仲索過後生, 仲做埋健身教練, 真係希望在人間.

老公第二日就買了兩本書回來了.
兩本都送埋隻光碟, D動作都好簡單, 但要跳唔停咁跳15-30分鐘架, 希望三個月後, 會變返個瘦老婆比老公啦.

中秋節快樂

好耐無UPDATE個BLOG, 希望未發霉啦, 大家好嘛 !

近中秋節, 我報左名去學整餅, 仲係傳統果種, 成個亞茂咁乜都唔識, 好彩都唔太難, 工具只有一件!

有兩種味, 紅豆同埋白蓮蓉, 蛋蛋同埋最重要的面粉, 就係咁簡單...其實乜都係老師準備好哂架..

成班同學仔一齊玩泥膠咁, 搓搓搓, 放好蛋蛋入餡料中, 然後再用餅皮包好, 最緊要唔好穿破, 然後再放入鐘意的餅模度, 打返出來咁就得架勒!!!

迷你的是紅豆加半黃, 大個的是白蓮蓉加雙黃,

最重要反而係要認返自己個餅, 要在底紙的四角寫記號, 而唔係紙中間(我<-->笨笨)

然後放入焗爐, 定時油上蛋汁...

就係咁簡單, 我地就可以帶成功的制成品返屋企同老公扮哂專家咁認叻呀~~ 而且味道同街買都差唔多架..

人山人海多啦A夢

有一天平日同朋友去尖咀吃LUNCH, 經過哩度, 順手想拍下改名前的小叮噹的大合照啦...點知去到多人到乜咁..點解香港地, 平日下午都咁多人架....

本來想去食哩一家博洛尼亞的多啦A夢主題午餐的, 去到門口仲有好多影相位....又唔係好多人....點知個待應叫我地去對面排隊....嘩...洗唔洗咁誇張呀...原來條隊排到去商場對面, 唯有食第二間啦....

誠品@香港

星期天, 等到老公放假, 一齊去鑼銅灣, 行新商場, 同埋誠品香港
到達的時侯好早, 唔洗排隊, 後來到離開時, 原來想入商場都要排大長龍...好恐怖

入到去誠品有三層, 每處都是人, 但是又無乜位坐, 而且價錢貴好多, 同台灣的誠品真的不一樣啊~~



九樓有個展覽, 介紹哩本叫"地書", 成本書由頭到尾都無一個字架...大家又睇得津津有味喎, 我都同老公試讀左一篇架...

 

由於太多人的關係, 我地好迫咁選書, 然後排左 3 條大長龍, 1開會員証, 2比錢, 3取會員証.....都用左唔少時間哩....
新開張, 買書有贈品, 係"地書" 設計的布袋兩個, 都係印滿符號架...仲有我地用台灣誠品咭買書九折, 然後再用張單申請埋香港誠品咭, 兩張只係唔同色....



累得唔想出去找吃的, 就在10/F FOOD COURT 吃吧, 點知都係大排長龍....仲好難找位坐添....
臨走時入埋去GAP, 新張買野送VIP咭, 可以下次用, 25% OFF 架....老公個背包好似石頭咁重...
下次再來要等多幾個月, 等無咁多人先好啊...~

2012 書展

其實每年都會同老公去書展,上年婚前咁忙都唔例外,仲在那裡買了唔少佈置物品哩,
不過我多數都係買用品,老公就笨啦..買書,重到乜咁...今次係婚後第一次去哩...又係排咁耐隊...人太多我都無心機買書囉.

哩間我買左本CHOCOLATE RAIN的旅遊書...仲可以拍照添..

哩家有好多微型玩意, 成間店整到茶餐廳咁...好得意

我同老公的戰利品...

下面哩d我買架...有親子王國的好得意..

唔行婚紗展, 改行旅遊展

無啦啦得到兩張入場卷, 星期日就同老公去見識下, 以為無乜野睇, 仲打算個零鐘就出來去買票睇 "普羅米收屍",
點知我地行左四個鐘呀..人都癲!! 仲行得耐過以前行婚展添..

行完之後去左吃TEA, 因為好累呀, 掉左好多DUPLICATE的單張後, 去旅行社補埋資料, 因為訂左位吃晚飯, 要帶住三大包同埋個背包都係書書書吃飽才返歸...好豐富...

入場一會, 原來不停咁LIKE 網頁就有野送, 我LIKE左大日子, 同埋新假期...送左本過期雜誌


書書書, 全部都係免費架...全部都係PLAN緊的下個長短目標...

其他單位都係不停咁 LIKE LIKE LIKE, 就得到左以下的物件..

哩個公仔係U MAGAZINE送架...有唔同的配件...我打算帶埋去旅行..

臨走收到電話, 話我地答左問題紙, 入左圍可以抽大獎, 係 banyan tree布吉兩晚架, 但係最後, 我地都係中唔到囉..都有少少安慰獎喎...嘻
在旅遊展報名, 買乜報乜都平少少架...第一次去都幾好玩丫...,

愛在澳門

上年知道時己經錯過左....我覺得都好熱鬧哩.....今年又唔合資格喎....嗚..

$488 伴侶二人同行參加【愛在澳門】，包2張港澳來回船票及婚紗一套拎返屋企+每人$100葡幣早午餐津貼+專業髮型化妝造型設計+專車接送+攝影服務，盛大婚禮演繹每一段動人故事！(原價：$5000)
http://www.groupbuyer.com.hk/zh/deal/linkhere_06052012

沈迷上新遊戲

近排我沈迷上了新遊戲,日玩夜玩,同老公玩,同朋友玩,連唔識的人都找來陪我玩.

於是連睇親子王國,度體溫,同埋驗紅D哩D事都無做過....完全戒左恨生仔哩個境介

就係哩個GAME:

https://www.facebook.com/photo.php?fbid=10150666484410419 (上面張圖出自FACEBOOK)


真係好玩到乜咁,我當然無畫到上面張圖咁精緻丫...但係睇住D朋友點樣估估下我畫的核突圖,最後又比佢地估中左...
,跟住又要估返佢地畫返比我的核突圖,真係好好笑,
哩個GAME可以提高返我地D畫畫技巧仲可以聯繫朋友丫...好過日日都WHATSAPP吹水喎.....嘻嘻..

http://blogs.elle.com.hk/mssiutung/tag/drawsomething/

我們的第二對婚戒

嘻嘻嘻, 昨晚去訂了我們的第二對婚戒了....
唔係唔見左呀, 大吉利是, 事實上哩, 結左婚四個月了...我同老公都無戴住對結婚戒子出過一次街...
因為我地兩個都太唔習慣戴首飾了, 想像到一定會又除又戴又除又戴咁, 所以好擔心會一時大意咁就唔見左對戒子...
但係我地又好想戴戒子出街, 証明我地係 "有婦之夫, 同埋有夫之婦" 喎!
於是我地就決定: 不如買對簡簡單單的戒子, 日日戴住練習下先啦

我地要求只係最簡單的款, 所以去左幾間老字號的金舖睇過, 選 d 真係得一個圈的戒子, 但價錢都唔係想像中咁平喎, (我以為無款的好平架嘛 :p),
咁再去找.找..找...找.....左一個星期 ,本來打算今個星期去婚紗展再睇睇架

點知收到哩個電郵...好抵呀...個款都幾清...就係我地想要的出街/返工/煮飯/洗白白同訓覺豬都唔洗除來除去的款了...
昨晚放工去睇左一次就買了....職員姐姐好好人, 幫我地趕工, 聖誕前就可以收貨了...
我地可以再練習幫對方戴戒子, 然後日日就要戴住出街了...



事後查返點解無端端會收到電郵哩...今天比我老公查出左....
原來係半年前在婚展, 為了得到哩朶朱古力花花,我填上了個人資料哩...靚靚花花展覽在家半年, 咁耐都唔吃得落肚了...