DRAW SOMETHING 之 光畫

今晚夜麻麻, 同老公去左赤柱...跟導師免費學玩光畫, 我地只要帶腳架同相機, 彩色電筒由導師提供.....

首先, 老師教我地SET好左部相機之後,
就自由發輝, 老師示範左個簡單圖之後, 叫我地自己畫下....

然後老師就示範左一個佢的作品, 佢畫得又快又靚


咁我地又試下一齊合作畫, 哩個本來係想畫我地對貓, 同寫BOBE個名, 點知十秒都未畫好...

然後導師繼續教我地, 開始有點進步了....

咁老師再教複雜D, 可以用另一個朋友做 BACKGROUND

我就叫老公企係度比我畫, 嘻嘻嘻......

全程玩左一個半小時, 交功課的題目係哩個, 我地畫左幾次, 老公畫樹, 我寫字, 各有各難度架...

真係好好玩....學識左之後, 下次去旅行都可以試下....

PANDA PANDA

今個月家姐同兩個女返來香港, 本來我想同佢地去參加---> 團購蛋糕親子班架...點知...亞女病左, 之後我又唔得閒....結果淨係陪到佢地一日, 乜堂都BOOK唔到啦..
最後, 佢地又飛走了, 我心思思, 靜雞雞, 自己報左一堂...因為實在太近屋企了....唔上唔扺呀.

一班有24組, 因為可以帶小朋友一齊, 有D組係有小朋友做助手架..,
老師講解完後,.我地就好努力咁"攪"同埋"撻"果 D 粉, 牛油同水,
再分好份量後, 然後就分別加竹炭同埋綠茶粉,
要整左綠色先, 我對手, 整完黑色之後都變黑埋架!!!,

最後個步驟最重要, 就係好好咁擺放唔同顏色的材料去適當位置, 再封封封口, 咁就可以放入 "棺材仔" 度, BYE BYE~~, 佢自己發酵了...(噢我幾認真, 居然哩個STEP唔記得拍照啊~~~).

分

等發酵同等焗原來等好耐架...中場, 老師們不停咁吹水, 同埋介紹佢地的產品, 即場可以買來吃....
一小時後, 終於...我地的麵包出爐了, 老師幫我地切開, 但唔淮打開, 要等一齊切好先...好, 123......

嘻嘻, 讚我啦, 讚我啦...我個 PANDA 整得好似樣呀....我張枱, 其他個個同學都整到好怪 :
有45度角橫左, 尖面, 大細眼仲有最攪笑係對耳仔, 或者對眼仔, 痴埋左, 變左一字眉, 仲有個同學中間通左, 佢話變左個手提包咁呀....

所以, 有幾個同學居然借我個包來影相....話當係自己整咁喎...噢...我開心屎囉....


昨天的努力...就成為左今朝的早餐了.....老公都話好味!!!!!!!

學手花

周身痕的我, 又報左個小手工班, 今次係用輕黏土及蕾絲做婚禮用手襟花, 不過我去到見好多同學都選了做簽名筆, 原來仲靚靚呀....

間店在K11, 好方便, 上課前我仲可以吃個三文治先....



做手襟花的材料就只有這些....一舊舊包住保濕的就係黏土,

好麻煩咁, 我原來要把選左的粉紫色, 分開一份份, 然後壓成一片片的花瓣, 我整左好多次都整爛呀...結果唯有唔整咁薄....

整左個半小時, 我就整到左哩個手花花了, 第一次整, 仲以為都好靚靚啦.....其實.......

睇下!!!! 同學仔都係第一次整呀.. 佢地整到又薄又靚, 朶花又大又靚....我唯有借佢地比我影個相....
當然, 也有某幾個同學比我整得更差...但我真係唔滿意今次表現啊~~~~

返到屋企借左老公隻毛毛手做 MODEL 就係咁了....唉...第一次做黏土的我, 手藝真係差哩....

KLM 免費行李牌

早前個月, 在FB見到有著數, 我放工返到屋企就即刻登記左哩個免費的行李牌, 我唔想咁大張相...所以就選左哩張9份1的,
差不多兩個月後今天收到了...原來有兩張的, 後面係我填上的個人資料,
完全唔洗錢的, 大家都留意下 KLM 的網頁啦...好以定期都有得送架...

陶藝拉坯體驗班

小時侯睇左人鬼情未了, 最記得的其中一段, 一定會係男女主角一齊玩到一手泥果段...不過我一直都未有機會去試下.

上個月頭, 偷偷地報左二人班先, 然後迫左老公同我去上哩個 "陶藝拉坯體驗班", 個目標就係要我地每人都親手掐出一對水杯,

我地吃個左美味 LUNCH 後才去上課, 之前仲好有決心咁, 話一定要整到一對水杯返屋企,

不過我都補口話, 如果唔成功, 起碼都整到一對貓碗比兩隻傻貓子....點知中左

睇完老師個DEMO後, (佢好快咁就由一舊泥--> 變成左一隻好完美的高杯), 然後我地十個同學仔就要各自坐低轉轉轉咁整個"水杯",

其中只有一兩個同學似樣 D, 整到個杯樣, 而我地同其他人...都係人人都整左 D 唔同的製成品!!!

我果隻都似少少飯碗, 但老公果個越轉越扁, 好似隻淺碟咁, 好彩老師來救我地, 先變返一隻開口大碗咋..原來轉轉拉坯真係好難架...

完成後, 我地要刻返個記號, 我當左佢地係婚結戒子咁, 想左一下就刻左S心K 同埋K心S, 然後, 老師話每件陶器作品加少少$, 就可代為1200℃上釉燒製作品,

等左三個星期, 今日我同老公放左工去取回作品了, 老師上左隻唔黃唔綠的顏色, 怪怪地喎,

不過我對貓都好鐘意, 如果我地下次再上的話, 應該會整到 "得心應手 " d 架...

端午節快樂

話說我早前報左名上捲紙初班, 已經上左幾課了,
今個星期老師要我地交功課整太陽同花花, 哩個係今個星期的功課之一, 未整完架...整好先POST出來.....

上個星期就學左用縐紙整端午糉, 要用3mm 闊的色紙織左個籃先, 整左幾隻糉放入去咋, 所以用個$5 硬幣比較下, 先知有幾細.

再之前個星期就交左功課做父親節咭...大家睇唔睇到我捲左乜架哩??

送給朋友的小龍女

又係上堂時間，, 今次去上左BB咭, 未打開前張咭係咁的, 有絲帶 + 紐扣,BB車有閃閃石,仲有左上角有張BABY GIRL咭仔添

打開後會有個BB升上來,裡面係架BB車同埋LACE花紋邊...好易整咋...

背面都好花,因為我選左成張花紙都好花花架....


希望亞龍媽媽收到開心哩
http://blog.yahoo.com/_U43QWXDFQ3UESBKTIEQ4DD3DVM/articles/617069/index

送比奶奶的小手工

早幾天報左個班, 學整兩樣小手工, 哩個係一個手袋掛, 我要做的就係, 選一張小布塊, 加些海綿, 縫成一個圓形, 然後痴上個掛度...完成.......

第二件, 係要在一個瓷盒上做拼貼, 不過係最初級果種Decoupage, 我有一個白色盒, 果三個係老師的樣本

材料就一個白盒同埋一些有花紋圖案的紙巾....

好快咁我又完成左第二個成品....嘻嘻...

同學仔一齊合照.

晚上同班朋友仔吃飯飯, 每人都收到哩個小禮品, 我哩個係叫我努力播種, 我已經轉送左比老公...佢會識做的了...嘻嘻..

好好學習的生活_相簿第一次

今次上堂學做相簿, 老師個版係咁架 :

首先做左個簿皮先, 同學在地上噴膠水, 我本來係用紙架, 有個同學仔比錢買左塊布,我讚好靚靚, 佢就送左半塊比我了,
所以佢同我係同款架, 佢真係好好人哩..

做左個相片架先...

果日上堂有點亂, 超哂時, 本來三小時完成, 結果四個鐘都未走得, 帶唔夠材料, 返到屋企材料就係咁多:

在家完成埋第二個相片架囉..

因為用左布, 所以縫左條布條上去 SPINE 度襯下

下半PART係自己返屋企整埋架咋, 所以唔夠材料都無法啊...

完成後, 拿左成長片段用的相片入左落去頂住先, 加埋我早前買的剪紙機仔, 整左右上角個咭仔囉..

總結, 真係好難整, 又要用好多時間, 我估我唔係哩方面的人材...

好好學習的生活

最近又上了一次團購 SCRAPBOOK 班, 原本的SAMPLE是這個樣子的....

因為事先唔知係做週年紀念LAYOUT,我選了"1YEAR"添,其實又未結左一年婚,

我返到屋企就唯有用屋企的相片改裝下啦...貓貓一歲都得

又找左我地細個的相片,不過都幾歲的了....頂住先

這幾星期去了各大圖書館,要老公幫手...借了很多手工書回來....

睇左上面的書,發覺哩個最易整, 上星期去埋工聯會做會員....跟手報左個捲紙初班...制成品係咁樣架...十堂月尾就開課囉......