那天再重聚

這一年好久沒寫BLOG了, 但我仍會不時到YAHOO BLOG度找返一班網友的BLOG, 看看有什麼新消息, 新發展, 新介紹, 可惜YAHOO BLOG越來越唔生性, 由沒有了回覆通知, 到沒有了好友訂閱的更新通知...到現在, 終於宣佈要關門大吉了.
知道消息後, 擔心是我婚禮回憶的所有BLOG都會消失, 更擔心的是我在婚禮期間, 相識的一班BLOGGER, 真係唔想失去左哩班在網上相識多年的朋友, 大家分散後, 有可能相遇而不知是BLOG友...
幸好現在大部份人都選了到這裡...所以我...也開了版面了..大家好
搬家行動可能要成個星期, 但值得!!

DRAW SOMETHING 之 光畫

今晚夜麻麻, 同老公去左赤柱...跟導師免費學玩光畫, 我地只要帶腳架同相機, 彩色電筒由導師提供.....

首先, 老師教我地SET好左部相機之後,
就自由發輝, 老師示範左個簡單圖之後, 叫我地自己畫下....

然後老師就示範左一個佢的作品, 佢畫得又快又靚


咁我地又試下一齊合作畫, 哩個本來係想畫我地對貓, 同寫BOBE個名, 點知十秒都未畫好...

然後導師繼續教我地, 開始有點進步了....

咁老師再教複雜D, 可以用另一個朋友做 BACKGROUND

我就叫老公企係度比我畫, 嘻嘻嘻......

全程玩左一個半小時, 交功課的題目係哩個, 我地畫左幾次, 老公畫樹, 我寫字, 各有各難度架...

真係好好玩....學識左之後, 下次去旅行都可以試下....

越南胡志明5天小旅行DAY5

原來仲未整完個VIET BLOG添, 要快手寫埋哩日返香港了....

早上在酒店吃完早餐後, 就出左去四圍走, 過幾條街就係哩個印度廟, 同星加坡一樣...個名好長, 唔記得囉...

酒店附近就係哩間有名的 "好味法包", 我地雖然唔餓, 但一定要買來試試, VND40000一個, 都唔係好大個咋, 但加埋D料, 又香又脆, 再返來一定要再吃啊~~~

我地買左兩個包, 帶左去酒店附近哩間晚晚都經過的咖啡店度嘆, D人坐門口架, 佢地真係好嘆, 飲咖啡就會比多杯冷茶比你, 可以飲完再飲,


回酒店中途, 又經過另一家中原咖啡店, 我地買左成百萬的哩個系列, 佢疊到好似聖誕樹咁,  "唔該我要最底果一盒丫!!!!!"


LUNCH 後, 我地去左哩個好變態的博物館, 真係無心機拍照架, 只係拍戶外的飛機同用汽水鑵整的工藝品啦,
館內的戰爭紀錄同埋受美軍"橙粉"影響到的越南人, 真係好核突同好變態, 我地都唔敢留太耐, 情願無冷氣都出左戶外好過....SAD

最後一個景點係導遊帶我地去超巿買手信, 但我地自己前兩天己經自己去買左了, 就行左去隔鄰街吃 FANNY 雪糕, 哩條街好出名係畢比特帶佢老婆黎食過野架...


最後我們把餘下的零錢, 買了這個富國島的魚露回來, 都幾好味架..

大家唔學越南文唔緊要, 但點都要認清哩兩個分別呀...

越南胡志明5天小旅行DAY4

婚後人都變懶, 要快點清BLOG債先, 雖然YAHOO又唔知攪乜, 無哂更新通知, 而家連UPLOAD相片都有問題, 我整左好耐, D相都係有半張炭色的, 但原來用第二部電腦睇又無事, 只好繼續胡志明篇, 因為, 我要快手寫KOREA紅葉5天了...

跟 團的第4天, 我地在巿中心住, 相當方便咁, 一早就去左統一宮度參觀, 裡面有飛機大炮, 仲有好多軍事用品, 當團友在五角星台上拍照時, 我老公仲上左台扮演講, 哩個HALL我地班團友玩左好耐才走, 難得成班人都係好好玩架...哩度仲有好特色的象腳, 聽導遊說, 係一家三口的象標本, 好可憐...

轉個街口, 又到左中央郵局, 我地仲寄左張POSTCARD返屋企, 幾日就到都好快手架..., 個職員打扮相當傳統.

郵局對外就係紅教堂, 仲有DIAMOND PLAZA, 哩度我地見到幾對新人拍PREWEDDING呀, 今次係著婚紗了..在越南, 好像不時都見人在拍婚照, 都幾好生意咁喎,

臨上旅遊巴, 同團友發現哩D立體紙咭好靚靚呀, 但係又唔平, 講極都講唔到平D!! 結果只有一個團友買咋...攪左好耐無幫襯添.

我地仲要去埋漆器工房度睇手工藝, 不過當然無買啦, 我都唔識欣賞.

LUNCH 在另一家有機會住的五星WINDSOR HOTEL, 我地覺得哩間靚得黎古典, 但都係我地住果家NEW WORLD好好多, 有現代感嘛..午餐係點心點心又係點心, 不過都好好味.

 吃飽即走左去隔離的安東PLAZA 行, 書本又話平野多, 點知成個場都係賣拖鞋, 仲有銀首飾...買唔到野添.

下午, 我地終於去到古芝地道睇了, 有好多危險的機關, 仲有, 我地成團人都玩左"捐"地洞, 裡面又迫又黑又轉彎...所以影相只係影到前面個人的PAT PAT咋..

哩度仲有人示範整紙米餅, 真係好薄啊, 捐完地洞出來, 有得吃木薯, 一定要點芝麻先可以吃得落...無味架..打扙果陣真係無啖好食



晚飯去了吃魚魚,  我地食完又走左去行夜街, 搵到間便利店, 買返早上飲過的飲品, 嘩, 平好多啊, 我仲買左BIRD NEST 都只係7500VND咋...即係HKD5,
行完去買出名的 NULAN 扎肉後, 返到酒店, 同團友在大堂吹水, 等導遊叔叔送來了我們的宵夜, 法飽, 用333啤酒一起, 吃飽飽咁又一天了....

越南胡志明5天小旅行DAY3

第3天的早上, 是new world hotel 的美味早餐, 哩間5星酒店真係讚呀, 又靚, 又多野食, 仲好近巿中心, 晚上行夜街好方便哩.

早上第一個節目係提岸區的天后廟, 導遊先生買左大香去點, 跟住好多團友都有買香呀..好有氣勢!


我地兩個見有人在廟內影婚照, 叫導遊先生幫我地問下...咁就講成左一單合照了...我地都有恭喜佢地架..我結婚果陣都無拍中式添...嗚.

然後就坐車去左美拖巿, 再上路路去左湄公河, 不是泰國的湄南河呀,
上左小島, 第一個站係吃小食同埋飲花粉蜜糖水, 都幾好味我地就買左少少.


然後就去左睇椰子糖制作...又買左少少, 佢地好好, 會送返上船, 我地一路都唔洗拿住四圍走架.

然後哩, 哩度係泰山島, 有生果食, 仲有人唱歌比我地聽, 不過...唔知佢唱乜架..

又落船了, 哩次係小船...哩條河好窄, 其實好似細個玩撞撞船咁, 好彩無落雨咋

上左船就到左椰子島, 有外太空聖殿, 又有幾條龍柱, 聽說以前係一個古怪法國留學生, 係哩度開左個椰子教, 日日食椰子, 居然又有好多教徒, 佢個樣真係好古怪, 佢後黎好似唔夠營養而瓜左架!!!

又坐船去左另一個島吃lunch, 有大大條象魚, 仲有大大個炸波波, 要用越南米紙包住黎食..

返出巿區, 周街都有小食, 仲係法包架架..但好似係包牛什落去...好奇怪的組合. 

個木偶真係唔多靚, 但我地成團人都加左錢錢, 去左睇哩個好出名的水中木偶劇,

雖然唔知幾個配音佢地講乜, 但真係又睇得明, 大家都會笑架喎...最後一班水中工作人員都出來致謝...

晚上又落雨了, 我地去左吃順化菜, 都好特別架...味道都唔錯的, 旅行就是吃不同的菜式嘛.


不過返到酒店, 我地又轉頭走左出去行濱城夜巿了...哩間 pho2000 好出名, 係因為美國總統都黎食...但係個價錢哩, 比起旅遊書居然貴左一倍呀!!!


然後我地又行埋去食哩間傳統雪糕店, 我地食左最出名的椰子雪糕, 又幾萬蚊落樓

 

全日最貴的消費, 就係找到去好出名的, 等於星巴克咁的, 中原咖啡買貓屎, 成百萬蚊一盒呀, 結果我地買左低一個grade的, 平左一半, 就可以買兩盒了...
店員仲帶我出去夜巿度買埋幾套, 滴漏用的裝置, 佢地的服務好好啊, 找換返來的錢錢已經用光, 好在酒店有得找換...好方便

越南胡志明5天小旅行DAY2b

回胡志明幾個鐘, 大家都在睡覺, 一早行山, 真係好好訓, 但居然塞車


車神, 你地個個都3個人一架車...好勁啊


哩張相, 同我後來買的明信片簡直一鬼樣!!

晚餐的地方, 叫平桂公園, 哩度好大好靚, 好有泰國FEEL, 但每到晚上, 又開始陰天了...



下面黑麻麻盆花就係海底椰, 四圍都係, 導遊話哩度好平, 無人用來煲湯止咳架喎.


哩個晚餐好好味, 仲有人幫我包米紙卷添...333 啤酒是越南名牌啊~~


越南薄餅, 真係好想吃..但己經好飽啊

在3晚 NEW WORLD HOTEL 附近是濱城夜巿, ,
買左生果返酒店, 第二早吃早餐才知...間酒店大把生果任食架...笨豬豬

晚上夜巿, 居然係吃青蛙? 好在我唔餓

(待續)