新春小旅行

拍拖婚前婚照婚後...我同老公最鐘意都係去台灣...佢話要一年去幾次洗滌心靈,其實之唔係為左食之嘛...今次台中...

嘩嘩嘩....再去台中都係為左哩間店咋...嘩嘩嘩...我地買左十盒現場吃.....在地人通常買三四十盒的

東華大學,今次有人拍婚照呀...

集集火車站同埋紙箱王...仲有燈會

炸香蕉,老公最愛的控肉飯..(肥到乜咁)同埋美味牛角飽...

彰化八掛山及那些年我同老公都好愛吃的肉圓...

彩虹邨1

彩虹邨2

次次都會去第二巿場...吃 ALL DAY BREAKFAST

晚晚落逢甲...因為今次住正逢甲..唔洗行到十點無公車返酒店了....

第一次買小工具

婚後才學人做小手工, 今日見到電郵通知有優惠, 放左工就即去買左6個打孔機返來, 送左 6 PACK 彩色手工紙, 有20隻色架, 仲有本指南書仔, 同埋可以報名免費上一堂呀...我仍在掙扎緊, 婚後才來做小手作的話, 有點遲, 仲會攪到一屋都係小工具, 我哩次會唔會係唯一一次買工具吧....

還有什麼東西比親手造出來的禮物更能表達心意？

來自日本的Carla Craft備有百多款不同圖案、不同大小的打孔機，助你簡單創造出獨一無二的禮物。只需小小的工具和技巧，再加上無限創意與心思，你也能造出各式各樣的紙製賀卡、禮物、裝飾品，甚至3D紙花。

現於優惠期內，在指定門市購買Carla Craft圖案打孔機乙個，可獲精美日本製彩色手工紙一份；購滿6個，再送您創作心意卡指南乙本。

此外，優惠期內購買Carla Craft圖案打孔機滿$100，更可免費參加3月25日舉行之DIY創意紙藝工作坊，歡迎愛好DIY的您一同創作復活節卡。工作坊名額有限，先報先得。（工作坊適合年滿6歲或以上人士參加，十歲以下兒童，建議由家長陪同參與。）

優惠期 指定商務門市 2月17日至3月25日 尖沙咀圖書中心 銅鑼灣圖書中心 2月17日至2月29日 康怡分館 3月1日至3月25日 德福圖書廣場

http://www.cp1897.com.hk/generatedBookList/sales_carla_120207.php

第二張DIY咭咭

情人節前幾天又去上左三小時的DIY咭咭堂, 今次個主題本來係 "愛情" 架, 但我唔鐘意佢太多心心了, 所以最後選左 "友情"主題, 但個對公仔都係一男一女架



我加左個吊飾上去, 可以加相片的, 但屋企找唔到咁細張相呀, 可能遲下會放張貓相上去啦

切花器切左好多心型 / 曲線 / 蝴蝶同埋花花, 全部都係一對架...然後就油顏色同埋加閃粉embossing powder,再加熱風熗...
又係用PUNCH啦,有條LACE花邊加埋閃石就靚靚囉...

CUTTLEBUG壓左張"格格格"款的啡色咭, 好似件餅乾咁呀...
對人仔 係Clear Stamp 後, 油左顏色, 才兩個重疊一齊, 痴在一起架, 幾有立體感....

找左張咭片放入個相架度試下先....哩度我打算放老公同我張相合照..但又係未找到咁細張相...



我仲會再學架...真係好好玩哩..

今年要買好多好多去拜年..

Cake2

新春禮盒曲奇套裝，每套為四罐，可配搭四罐不同曲奇口味

曲奇口味: 原味牛油 (Butter)、朱古力果仁 (Chocolate Nuts)、咖啡果仁 (Coffee Nuts)、咖啡牛油 (Coffee)、杏仁酥 (Almond Croissant)、蝴蝶酥 (Palmier)、綠茶果仁 (Green Tea)

訂購優惠期: 即日 至 2011 年 1 月 15 日
⋯⋯
套裝優惠價: 訂購 5 份 (20罐)，價錢為 $738 ; 訂購 10 份 (40罐)，價錢為 $1,388

訂購方法: 可直接到門市 (天后 / 尖東) ，亦可致電熱線 2947 7575 或電郵 sales@cake2.com 訂購

訂購時間: 完成訂單及付款後，可於五天後到門市取貨

取貨方法: 可直接到天后或尖東門市取貨。

送貨服務: 凡惠顧 $500 或以上可享有送貨服務 ; 惠顧 $2500 或以上可享有免費送貨
*送貨條款請向本公司查詢

我第一張DIY聖誕咭

我哩個人成日都係後知後覺架,婚前見好多新娘子, 都整了好多又靚又個人化的巧手DIY,而自己就乜都要靠人,但都無勇氣去上課學返些真功夫, 而家嫁左, 才來唔忿氣, (~其實係終於有時間, 同埋遇上團購優惠~)

今晚去上左三小時的DIY咭堂,原來一張咭背後真係好多功夫,上完之後我更加配服那些自制百幾二百張喜帖同小禮品的新娘子…雖然過程真的好好玩, 但我哩..要做咁多手工真係想起都頭痕呀..

制成品的樣子

Cuttlebug 立體的壓花加自制薑餅人,我仲加埋頸巾比佢添

打開其實係一張A4咭紙黎架咋

水晶球可以放入相片或者薑餅人後面可以寫祝福句


壓花的底紙我自己加色架,仲有聖誕樹係用embossing powder、Clear Stamp、膠水印台及熱風槍整架

LACE同心心花邊係用Martha Stewart Punch整成架...我仲貼左珍珠上個LACE中間度添...(哩度唔多現到..立體架.)

======> 過來人經驗,婚前真的要比時間去學一下DIY的技巧,真的很實用,如果我有學過,我的婚禮應該有更多美好回憶啊…

我們的第二對婚戒

嘻嘻嘻, 昨晚去訂了我們的第二對婚戒了....
唔係唔見左呀, 大吉利是, 事實上哩, 結左婚四個月了...我同老公都無戴住對結婚戒子出過一次街...
因為我地兩個都太唔習慣戴首飾了, 想像到一定會又除又戴又除又戴咁, 所以好擔心會一時大意咁就唔見左對戒子...
但係我地又好想戴戒子出街, 証明我地係 "有婦之夫, 同埋有夫之婦" 喎!
於是我地就決定: 不如買對簡簡單單的戒子, 日日戴住練習下先啦

我地要求只係最簡單的款, 所以去左幾間老字號的金舖睇過, 選 d 真係得一個圈的戒子, 但價錢都唔係想像中咁平喎, (我以為無款的好平架嘛 :p),
咁再去找.找..找...找.....左一個星期 ,本來打算今個星期去婚紗展再睇睇架

點知收到哩個電郵...好抵呀...個款都幾清...就係我地想要的出街/返工/煮飯/洗白白同訓覺豬都唔洗除來除去的款了...
昨晚放工去睇左一次就買了....職員姐姐好好人, 幫我地趕工, 聖誕前就可以收貨了...
我地可以再練習幫對方戴戒子, 然後日日就要戴住出街了...



事後查返點解無端端會收到電郵哩...今天比我老公查出左....
原來係半年前在婚展, 為了得到哩朶朱古力花花,我填上了個人資料哩...靚靚花花展覽在家半年, 咁耐都唔吃得落肚了...

我們的童年回憶

真係要謝謝 BLOG友莎拉蛋糕…佢介紹左哩個失踪多年的美食….噢….是我同老公拍拖以來時常提起的小時侯回憶呀…(佢大我唔夠一年架咋),我地成日講卡通片, 音樂玩樂同埋美食, 而哩個雪糕蛋糕好巧地, 我地小朋友時都吃過,唔知乜事又無左咁…而家在某幾間超巿有得賣了…知道後我地都係去左幾間找,今日才買到咋…

一次過買左三盒, 我地晚飯後就來回憶了…吃了一盒…明晚再來…小波子都好八掛,佢LAM哂我地張紙先肯走,唔通又係佢的回憶?