丹霞三天

在整理連洲的相片時, 才發現這批婚後聖誕去的小旅行相片, 好像未有BLOG到...整埋做個紀錄先,
其實我每次去大小旅行, 跟團定自己去都會四圍找資料的, 希望哩D資料有用啦..

哩個三天團, 兩晚都住溫泉酒店, 又係一個HEA團, 不過其中一日都要行山架,
第一天去左韶關武廣高鐵車站,哩度好大啊,有點像機楊, 而車長都幾靚仔, 仲有支西藏水送,但係唔敢飲呀

去到酒店就去溫泉遊下水, 咁就一天了,

第二天的苦力行程..在遊左一個船河後, 就開始行程了... :
嘻嘻...大家吸下陽氣先...睇下後面個山以乜??   

然後再坐坐吊車, 上到山頂, 見到其他山石形狀都好古怪, 似唔似幾隻象群行緊呀..?

落返山, 經過有個 "多仔村",唔知有幾多個仔..?哩度特產係百香果, 薯乾, 仲有黑螞蟻都要比錢買, ...哩種還瑰草個名好勁,食左唔知會點..... 



宵夜...5子毛桃雞一大隻, 酒店裡天天都溫泉...不過其實係熱水池


第三天回程, 最後一景點...嶺南印象園

連洲三天小旅行

回南天, 人又懶左, 要UPDATE下個BLOG先, 否則發霉都會.....

今個月攝到左四天假期, 同老公本來想去土樓見識下架...有同事去左兩次, 睇黎都唔錯咁, 點知去到報名時, 家家都話七日截左數了!

於是便報了2ND CHOICE, 清遠&連洲三天, 哩個團之前都有人介紹過架...主要係睇風景, 同埋HEAING...

第一天車程好長, 坐到PAT PAT都林哂...我地帶定歌仔去聽, 又帶埋電視機仔去睇戲, 結果係由上車訓到去落車...

吃完晚飯後, 我地去睇左個 "篝火晚會", 話說會找個男人上台結婚架...第二團有個國語人好開心, 一話要嘉賓佢就自己行左出去, 佢真係好想做新郎掛, 個表演其實麻麻架, 個火好大煙架.....

我地之後去左行夜街, 仲在酒店試左佢地個沐足, 話哂都坐左一日嘛...要休息下身心....

第二天訓醒, 就開始景點: "地下河"的入口

入左地下河裡面行左兩個幾小時, 就好似行山咁, 但今次係不停向下行, 行到見唔到個太陽, 不過唔熱, 仲好濕滑添, 又上又落又有人講解, 仲有船仔坐添....
話說我地果團有個婆婆滑倒啊, 攪到要職員枱返出洞, 好彩後來睇左醫生無事咋..

在地下河落到最底時, 要坐船仔, 才遊得返出洞口, 成2.5 小時在地底, 重見天日的感覺真係好特別, 我臨上返去時, 問老公, 我地會唔會好似彊屍咁, 唔見得光架......?


下午飯後去左 "湟川三峽河船", 都唔錯, 我地鐘意睇風景, 又唔洗出汗...我地仲在船上食哂帶去的零食之餘, 仲買埋雪條食添...嘻嘻.

哩餐食雞宴, 哩隻野叫棟企雞, 其實去親清遠, 餐餐都係有食雞咁喎喎..


第三天吃飽早餐, 本來話同老公去游水的, 但結果又返左上房再訓, 到夠鐘才CHECK-OUT, 真係好HEA...

回程又係好多小時的車程, 中途去左 "資政大夫祠", 大家都好喜歡個荷花池, 影唔停手, 晚上在上水吃埋飯再坐車返屋企 -- >繼續訓.....

送給朋友的小龍女

又係上堂時間，, 今次去上左BB咭, 未打開前張咭係咁的, 有絲帶 + 紐扣,BB車有閃閃石,仲有左上角有張BABY GIRL咭仔添

打開後會有個BB升上來,裡面係架BB車同埋LACE花紋邊...好易整咋...

背面都好花,因為我選左成張花紙都好花花架....


希望亞龍媽媽收到開心哩
http://blog.yahoo.com/_U43QWXDFQ3UESBKTIEQ4DD3DVM/articles/617069/index

愛在澳門

上年知道時己經錯過左....我覺得都好熱鬧哩.....今年又唔合資格喎....嗚..

$488 伴侶二人同行參加【愛在澳門】，包2張港澳來回船票及婚紗一套拎返屋企+每人$100葡幣早午餐津貼+專業髮型化妝造型設計+專車接送+攝影服務，盛大婚禮演繹每一段動人故事！(原價：$5000)
http://www.groupbuyer.com.hk/zh/deal/linkhere_06052012

送比奶奶的小手工

早幾天報左個班, 學整兩樣小手工, 哩個係一個手袋掛, 我要做的就係, 選一張小布塊, 加些海綿, 縫成一個圓形, 然後痴上個掛度...完成.......

第二件, 係要在一個瓷盒上做拼貼, 不過係最初級果種Decoupage, 我有一個白色盒, 果三個係老師的樣本

材料就一個白盒同埋一些有花紋圖案的紙巾....

好快咁我又完成左第二個成品....嘻嘻...

同學仔一齊合照.

晚上同班朋友仔吃飯飯, 每人都收到哩個小禮品, 我哩個係叫我努力播種, 我已經轉送左比老公...佢會識做的了...嘻嘻..

好好學習的生活_相簿第一次

今次上堂學做相簿, 老師個版係咁架 :

首先做左個簿皮先, 同學在地上噴膠水, 我本來係用紙架, 有個同學仔比錢買左塊布,我讚好靚靚, 佢就送左半塊比我了,
所以佢同我係同款架, 佢真係好好人哩..

做左個相片架先...

果日上堂有點亂, 超哂時, 本來三小時完成, 結果四個鐘都未走得, 帶唔夠材料, 返到屋企材料就係咁多:

在家完成埋第二個相片架囉..

因為用左布, 所以縫左條布條上去 SPINE 度襯下

下半PART係自己返屋企整埋架咋, 所以唔夠材料都無法啊...

完成後, 拿左成長片段用的相片入左落去頂住先, 加埋我早前買的剪紙機仔, 整左右上角個咭仔囉..

總結, 真係好難整, 又要用好多時間, 我估我唔係哩方面的人材...

一年一次的美食

今年的蒝荽餅出爐了,上年因為忙結婚, 到記起的時侯, 已經無得賣, 足足等了一年哩....
我今個月問左幾次的了, 今日買左四個 (兩種味道) 返來,忍唔住吃左先才記得拍照, 留返兩個比老公今晩吃吧.....