新加坡小旅行_DAY4

最後一天,一早CHECK-OUT寄存了行李後, 去了中峇魯巿場, 吃另一家肉骨茶,哩間無咁重胡椒味,但都好好味..我地仲加左湯添飲, 聽說老闆唔識字, 所以無餐牌, 問佢有乜食, 佢叫我地睇哩張圖的相片選...

然後入左中峇魯巿場裡面,吃埋個水棵,又平又好味架..唔怪得個個都話要黎吃...好滑滑

吃飽就坐車去加東, 哩條係好靚靚的坤成路...

目的地到左,就係哩間朝偉都讚的叻沙店, 個老闆娘仲係XX小姐添架..我覺得一定要有獅蚶才是LAKSA,
我仲吃埋撈撈下的 ROJAK, 好讚!

金珠樓上店有好多靚靚衫, 不過件件都好貴啊...BEBE果間仲由S80去到S1000, 可以買到件婚紗了

金珠肉粽同娘惹糕...好想吃, 但真係太飽了..下次要清好腸胃再來吧...

好飽但可以吃得下的,當然係甜品,哩間榴槤店...好香好滑啊...臨上車前仲想吃埋印度甜薄脆(左圖右下角),點知賣哂收工,吹脹....!

去到機場有時間, 可以行埋三個Terminal, 吃了另一家吐司Killiney Kopitiam, 仲排隊跟小朋友一齊玩Slide@T3, 返到香港零晨1:00,超抵玩

新加坡小旅行_DAY3

早上又去返牛車水的MAXWELL, 今次一早到,唔好又話賣哂呀, 結果間木薯糕終於有開店了...真係好滑好好味呀, 我買了三款, 都只係 "兩溝" 咋

當然天天海南雞都有做生意啦....嘻嘻...食食下有人行埋黎問我地買唔買紙巾...我手多多, 差點要左添呀...

本來係去牛車水大廈再吃埋昨晚無開的店的, 但佢今日都係無開喎...奇奇奇,
結果我地行埋去吃亞坤多...一個早上兩次早餐真係吃少少好了....肥死我地呀..

個伙記好好人, 見我地兩個人叫一份, 都無黑面, (其實有幾枱都係咁架), 仲好識做生意叫我地買手信添,
多士好脆, 半熟蛋以前我唔敢食, 而家反而覺得好好味添...

吃飽後, 今日旅程幾舒服的, 就係SHOPPING...
去左Orchard Road 成條街的商場了...成條彌敦道咁長咁多間...結果我地比起去戶外行仲累, 不過安排今日行商場都好彩, 剛好哩日超大雷大雨呀
哩度室內有爬牆玩, 仲有三四層樓咁高的公仔, 天台又有花園架...

FOUR SEASON@高島屋, 又係吃DURIAN的時侯...嘻...好味...行行下商場門口有幾個公仔, 哩班姐妹花做左MODEL都幾好睇呀.

行到真係腳軟, 去理SUNTEC CITY睇財富之泉, 累到坐係度睇左一陣水, 停左水後, 就見輪流比旅行團入去行幾個圈...聽講好運D架...
然後坐左一個站去NEWTON 吃左少少下午茶, 有福建假面同埋串燒...不過哩度好多人煩住哂, 成日叫我地食海鮮..我都想吃架...不過敏感未好返嘛...嗚..

最後一晚,我地去睇埋魚尾獅,今期佢比人畫畫呀,  有好多人排住隊去玩, 我地睇左一陣金沙的激光表演

由海邊一路行去老巴剎吃我們的晩餐, 晩上有人唱歌添, 不過室內好悶熱呀, 我地吃左福建蝦面, 魚圓, 同埋印度雞飯....

再出去外圍的街度吃串燒, Boon Tat St.Best Satay No.7 & 8, 本來話外賣返酒店才吃的, 我見有位, 就坐下, 慢慢食啦...最細個SET, 有廿牛羊, 同埋六串蝦...飽到乜咁...

新加坡小旅行_DAY2

第二天早上在酒店吃早餐, 哩度只吃了一天咋, 因為要留返個肚去吃心水野,

哩日係平日, 預左去SENTOSA 架, 但係我同老公都唔多愛好機動遊戲...(老人心態), 所以無打算用全日時間入島...所以去左好近酒店的 BUGIS 站行左先,
有好多新商場 ILUMA 之外,哩度有好地道的商場同TEMPLE, 仲有真係隻隻大蝦的蝦餅,真係唔敢食呀

街角有榴槤雪糕, 一蚊雞咋...佢問我要唔要用麵包夾住食...我話唔洗了...因為熱到無哂胃口呀


然後去左亞拉街, 哩度有間十二點前就賣哂, 好巴閉無得吃的巴東食店...所以一定要早點去, 才試到......


香水店,我試左味了..雖然話無酒精好特別,但太太太太香了...無買到 LU~

哩間ZAMZAM, 特登來吃架...但係仲未消化到早上的食物, 結果淨飲兩杯, 休息左一陣咋, 又係BADUNG同拉茶

 

坐MRT去到VIVO CITY, 行左陣街, 個商場真係大到可以迷路架, 我地行到兩點才上去坐車入SENTOSA,
買定SONG OF THE SEA, 己經無哂7點半果場, 唯有買8點半,
仲買埋HALF DAY PASS, 比起WHOLE DAY果隻平左廿蚊, GAME 就由15野減到只可以玩4個咋...不過對我地來講, 已經好夠

第一個落腳位去左玩哩個先, 因為真係唔知佢幾時落雨, 盡快行左去玩戶外野先...要坐吊車上去, 再自己駕駛返架車仔落山,
因為唔比自己拍照,要跟佢地買(唔抵 (-_-), 我只有拍到幾張相咋...不過都幾好玩, 太快LOOK落山, 嚇到左我添..


老人家的我倆, 又用左兩個 GAME QUOTA 去玩 3D,及4D 劇場, 因為實在太熱了...


最後QUOTA 都用埋來坐哩個轉轉盤上高空睇風景...我同媽媽最後一次來都係坐哩個.....我地都變左老人家


然後仲未天黑, 我地去左UNDERWATER WORLD, ONE DAY PASS 唔包哩個架..又要比多筆錢!!
但哩度...無乜變啊...同我以前來一樣...在哩度我好想念媽媽添, 

DOLPHIN LOGOON, 剛好趕到最後一場表演


入黑但未夠鐘睇 SONG OF THE SEA, 所以去環球果個站八掛下, 買左朱古力同埋 POPCORN 食..

終於等到8點,我地就去定排隊了...坐位先到先得架嘛..哩個真係值得睇架...不過以前次次都睇的音樂噴泉就無左囉...~
 

新加坡小旅行_DAY1

復活節前有幾天假期...趁未加價,我地去左新加坡四天,又係吃吃吃囉..

喪吃之前,我們都係選了 LOW FAT..LOW CALORIES 餐,朋友總問我地咁有乜用??...其實我都答唔到

我同老公都係十幾年無再去過哩度了...左邊張圖係我在相簿中找到的...右邊已經係今日的MRT路線圖...變化真係大

落左機放低行李就去左黃亞細...吃返餐補下腳力先...好重胡椒未啊..

食飽就由哩個"Farrer Park" MRT站,一路行去Little India 站,有好多TEMPLE,我懶找回旅遊書了...間間的名都咁長...點會記得丫...

路上都有唔少奇貨店...又有金賣...我婚前見到的話, 唔知會唔會考慮下.仲食左個網絡介紹的薄餅...同甜甜拉茶,幾蚊雞咋

小印度 MRT 附近有好多巿場....有花,有衫有糖糖做手繪Henna , 仲有生果...不過我都無買到啊...

然後去左牛車水, 又有TEMPLE 囉...仲有夜巿添,不過我地目標係MAXWELL

查找不足的關係,去到 MAXWELL 時,好多有名的店己經關門了..天天海南雞飯都在洗廚房了..
我地都好累,於是吃了網絡介紹的另一家,叫左個套餐,都好味架,哩杯粉紅奶叫BADUNG,玫瑰味都幾好味架

最後路經CLARK QUAY,真係唔同哂...同我細個來時真的不一樣...

好好學習的生活

最近又上了一次團購 SCRAPBOOK 班, 原本的SAMPLE是這個樣子的....

因為事先唔知係做週年紀念LAYOUT,我選了"1YEAR"添,其實又未結左一年婚,

我返到屋企就唯有用屋企的相片改裝下啦...貓貓一歲都得

又找左我地細個的相片,不過都幾歲的了....頂住先

這幾星期去了各大圖書館,要老公幫手...借了很多手工書回來....

睇左上面的書,發覺哩個最易整, 上星期去埋工聯會做會員....跟手報左個捲紙初班...制成品係咁樣架...十堂月尾就開課囉......

上左DIY復活咭班囉...

哩個係早前商務的免費小手工班,我係第二個報名,分左在第一組...有好多工具





原來有小禮品送比我架...

開始上堂,要CUT好多小花花紙片

整到一半的時侯, 才記得拍照....

完成左了...一個小時...同班小朋友同媽咪一齊玩....都好開心哩..

沈迷上新遊戲

近排我沈迷上了新遊戲,日玩夜玩,同老公玩,同朋友玩,連唔識的人都找來陪我玩.

於是連睇親子王國,度體溫,同埋驗紅D哩D事都無做過....完全戒左恨生仔哩個境介

就係哩個GAME:

https://www.facebook.com/photo.php?fbid=10150666484410419 (上面張圖出自FACEBOOK)


真係好玩到乜咁,我當然無畫到上面張圖咁精緻丫...但係睇住D朋友點樣估估下我畫的核突圖,最後又比佢地估中左...
,跟住又要估返佢地畫返比我的核突圖,真係好好笑,
哩個GAME可以提高返我地D畫畫技巧仲可以聯繫朋友丫...好過日日都WHATSAPP吹水喎.....嘻嘻..

http://blogs.elle.com.hk/mssiutung/tag/drawsomething/