越南胡志明5天小旅行DAY3

第3天的早上, 是new world hotel 的美味早餐, 哩間5星酒店真係讚呀, 又靚, 又多野食, 仲好近巿中心, 晚上行夜街好方便哩.

早上第一個節目係提岸區的天后廟, 導遊先生買左大香去點, 跟住好多團友都有買香呀..好有氣勢!


我地兩個見有人在廟內影婚照, 叫導遊先生幫我地問下...咁就講成左一單合照了...我地都有恭喜佢地架..我結婚果陣都無拍中式添...嗚.

然後就坐車去左美拖巿, 再上路路去左湄公河, 不是泰國的湄南河呀,
上左小島, 第一個站係吃小食同埋飲花粉蜜糖水, 都幾好味我地就買左少少.


然後就去左睇椰子糖制作...又買左少少, 佢地好好, 會送返上船, 我地一路都唔洗拿住四圍走架.

然後哩, 哩度係泰山島, 有生果食, 仲有人唱歌比我地聽, 不過...唔知佢唱乜架..

又落船了, 哩次係小船...哩條河好窄, 其實好似細個玩撞撞船咁, 好彩無落雨咋

上左船就到左椰子島, 有外太空聖殿, 又有幾條龍柱, 聽說以前係一個古怪法國留學生, 係哩度開左個椰子教, 日日食椰子, 居然又有好多教徒, 佢個樣真係好古怪, 佢後黎好似唔夠營養而瓜左架!!!

又坐船去左另一個島吃lunch, 有大大條象魚, 仲有大大個炸波波, 要用越南米紙包住黎食..

返出巿區, 周街都有小食, 仲係法包架架..但好似係包牛什落去...好奇怪的組合. 

個木偶真係唔多靚, 但我地成團人都加左錢錢, 去左睇哩個好出名的水中木偶劇,

雖然唔知幾個配音佢地講乜, 但真係又睇得明, 大家都會笑架喎...最後一班水中工作人員都出來致謝...

晚上又落雨了, 我地去左吃順化菜, 都好特別架...味道都唔錯的, 旅行就是吃不同的菜式嘛.


不過返到酒店, 我地又轉頭走左出去行濱城夜巿了...哩間 pho2000 好出名, 係因為美國總統都黎食...但係個價錢哩, 比起旅遊書居然貴左一倍呀!!!


然後我地又行埋去食哩間傳統雪糕店, 我地食左最出名的椰子雪糕, 又幾萬蚊落樓

 

全日最貴的消費, 就係找到去好出名的, 等於星巴克咁的, 中原咖啡買貓屎, 成百萬蚊一盒呀, 結果我地買左低一個grade的, 平左一半, 就可以買兩盒了...
店員仲帶我出去夜巿度買埋幾套, 滴漏用的裝置, 佢地的服務好好啊, 找換返來的錢錢已經用光, 好在酒店有得找換...好方便

越南胡志明5天小旅行DAY2b

回胡志明幾個鐘, 大家都在睡覺, 一早行山, 真係好好訓, 但居然塞車


車神, 你地個個都3個人一架車...好勁啊


哩張相, 同我後來買的明信片簡直一鬼樣!!

晚餐的地方, 叫平桂公園, 哩度好大好靚, 好有泰國FEEL, 但每到晚上, 又開始陰天了...



下面黑麻麻盆花就係海底椰, 四圍都係, 導遊話哩度好平, 無人用來煲湯止咳架喎.


哩個晚餐好好味, 仲有人幫我包米紙卷添...333 啤酒是越南名牌啊~~


越南薄餅, 真係好想吃..但己經好飽啊

在3晚 NEW WORLD HOTEL 附近是濱城夜巿, ,
買左生果返酒店, 第二早吃早餐才知...間酒店大把生果任食架...笨豬豬

晚上夜巿, 居然係吃青蛙? 好在我唔餓

(待續)

越南胡志明5天小旅行DAY2a

酒店早餐, 特色除了越南牛肉河, 仲有木薯, 同埋4種味果汁, 我覺得透明的椰汁最好味


早上未出發, 我地去左海灘行行, 好大好乾淨, 有個團友仲遊早水添...問返起佢原來係著底褲游架喎, 好彩我地時運高無睇清楚.


出發往耶穌山, 行上山真係好累呀, 哩度一路上都有好多有名字的坐位...感恩有這些椅

沿途都有聖經故事的石像, 可以慢慢睇慢慢行, 休息下


後面耶穌像就是目的地了.


穌哥身上的窗是中式的, 遠望穌哥身上有個字


想入耶穌像裡面, 要咁樣上, 仲要除鞋除袋...等好耐添

耶穌身上的中式的窗外望, 好涼爽


終於上到頂了, 穌哥你好!! 哩度風景真好啊!

穌哥像左右兩邊都有個觀景台(SHOULDER 位), 每次只可入3-4個人架咋...

睇完耶穌山, 領隊免我地個個臭汗, 臭幾個鐘返出胡志明巿, 帶我地返酒店洗白白先, 然後才 CHECK-OUT, 細心哩.

離開頭頓巿前, 去埋鯨魚廟, 真係拜鯨魚架~~

鯨魚的骨骨, 門外有隻老虎幫手睇門口


但廟內最吸引團友同留得最耐的活動, 居然係買伴手禮, 神奇係小販仲要係收港幣添,
成班團友, 差少少就買哂佢帶來的所有貨品, 大家都好有收穫

LUNCH 都好好味, 我地加錢錢, 要左個椰子大菜糕...必吃!!!

越南胡志明5天小旅行DAY1

七月中同老公跟團去左越南, 五天的奇異小旅行, 除了天氣熱之外, 一切都非常開心, 因為跟團會有一班好好玩的團友, 同一直自由行的"只有我倆"感覺, 又別有一種情趣.

在小小的機場領行李之後, 首先是吃一個越南河粉餐先, 原先是說去一家很有名, 但無冷氣的古早老店的, 結果卻去了這家香港都有唔少分店的PHO24, 雖然乾淨企理, 但心思思的我們是想來, 吃在地人的店啊~~ 

在等食物的時侯, 導遊幫我們找換, 這次的找換是HKD1,000 = VND2,300,000, 哩度物價平, 導遊話換給每人咁多先, 唔夠洗可以再同佢找換, 用剩又可以換返比佢.


吃飽後, 就要坐長途車, 去第一晚睡的頭頓巿, 中途 必經這個水果店, 大家都休息下, 吃少少水果同埋去下廁所先...

有好多哩種補酒賣, 不過唔知乜人夠膽飲



我們吃了一份霧蓮, 每一張枱上都會有一包水放著, 食完之後問返導遊, 原來係好有用架喎, 估到嘛?

酒店CHECK-IN 後, 安排左自費活動, 一齊坐人力車遊頭頓巿, 佢地知我地係兩公婆, 好好人咁兩架車 "拍住行", 好細心哩,
老公個司機仲識少少廣東話, 一路上都在介紹風景, 差不多成條街都係星級酒店, 然後就係食店, 酒吧.....

哩個人力車行程約一小時架..點知中途開始陰天, 佢地停車幫手加上雨擋

可惜之後越來越大雨, 我地加封到全車都係雨擋後, 都無得同老公傾住計遊車河了.

 晚上同攪笑的團友們在酒店吃飽飽後, 去行了一會超小型超巿, 然後返房休息, 這晩我們都睡得很香